أنا مشْ خايفْ !! ( أكرم الصوراني)

بس الخوف خايِفْ ..!!

مِنْ وِدْنِي سَحَبني أَجَا وَشْوَشْني قَلَمَكْ عِرِفْ إيش عِمْلُوا بعارِفْ …!!

أنا مِشْ خايِفْ ..

بس الخُوفْ خايِفْ ..!!

خايفْ من فِكرَة حَفَرَتْ حُفْرَة بساسي لراسي وأنا مِشْ ناسي وبَحكِي لناسي حَاكتُبْ عن بُكرَه عن أَملْ وذِكرى عن أُمْ الثورة أُمْ الفِكرَة بَسْ الخوف مِنْ وِدْني سَحَبْني أَجَا وَشْوَشْني قَلَمَكْ عِرِفْ إيشْ عِمْلُوا بعارِفْ …!!!

أنا مِشْ خايِفْ ..

بس الخوفْ خايِفْ ..!!

خايف من حفلة ..

حفلِة كِزْبْ وحفلِة حِزْبْ ..

يالله تَعالُوا الحَبْل إنْشِد ..

حَبْل الحِزِبْ قَصير ..

طَبْ تاني إنْشِد .. تاني إنْعِد .. يمكنْ عارِفْ غَبي في العَد ..!!

حِزْبْ اتنين عَشَرة عشرين .. انجيؤوز يسار ويمينْ وإنتَ يا عارفْ على بال مينْ ..!!

أنا مِشْ عارفْ .. أنا مِشْ خايِفْ .. بس الخُوف صار روج عَ شفايف ..

هاتوا الطَرحَه زِفُّوا الزفَّه … عارفْ عِرِفْ اليوم مينْ خايِفْ !!