من واحد لميّة
بالمفهومية وبلا هلوليّة
يا بطْنيّة
بيّنت النيّة والنفسيّة
الشغلة مش عفويّة
ولا شخصيّة
وصيّة حزبيّة ميّة الميّة
وهيك هيّ
فش مسؤولية
ولا عقلانيّة
فش حُرمانيّة ولا وطنيّة
سرقونا الحرميّة
اكلو البطة نيّة
وهفو بالمعيّة
الصنيّة والصبيّة
واللي صار صار يا ولية
وعشنا وشفنا ابو جلبية محظيّة
بدو فدراليّة
ع العشرة الانقلابية
وولاية ابديّة ربانيّة
على دويلة وهميّة
ومش مهم عندو القضيّة
المهم العليّة والتكيّة
والجاجة الغزيّة
اللي بتبيضلو ذهبيّة
يومية صبحية ومساويّة
ومن واحد لمية
اللعبة قوية علنيّة مش مخفية
يا أفنديّة
